Ի՞նչ է դերահաս զույգերի շրջանում բռնությունը։
Դեռահաս զույգերի շրջանում բռնությունը կատարվում է երկու մարդկանց միջև հարաբերություններում և ներառում է ֆիզիկական, սեռական բռնություն, հոգեբանական ճնշում, հետապնդում։ Անձը օգտագործում է այս վարքագիծը զուգընկերոջ հանդեպ իշխանություն ձեռք բերելու և նրա նկատմամբ հսկողություն հաստատելու համար։ Դա կարող է կատարվել ինչպես իրական, այնպես էլ վիրտուալ դաշտում նախկին կամ ներկա զուգընկերների միջև։
«Սեր և Հարգանք» ծրագրի անդամ հինգ պետություններում իրականացված հետազոտության շրջանակներում դեռհասների կամ երիտասարդների 54․8 %-ը, ովքեր ունցել են հարաբերությունների փորձ, երկար ժամանակ ենթարկվել են կրկնվող բռնարար վերաբերմունքի իրենց նախկին զուգընկերոջ կողմից։
Բռնության տեսակներ
Հոգեբանական բռնությունը ներառում է անվանարկում, ամոթանքի ենթարկում, նպատակադրված շփոթմունքի մեջ գցելը, բղավելն ու ճչալը, ընկերներից հեռացնելը, սպառնալիքիները, մշտական հսկողությունը, գույքի վնասումը, նվաստացումը, սպառնալ բացահայտել Ձեր գաղտնիքները, բամբասանքնեի տարածումը և այլն։ Գոգեբանական բռնությունը կարող է ֆիզիական վնասվածքներ չառաջացնել, բայց այն նպաստում է հուզական ցավի առաջացմանը, վնասում է անձի ինքնագնահատականը, նվազեցնում է ինքնավստահությունը։ Արդյունքում, Դուք սկսում եմ մեղադրել ինքերդ Ձեզ Ձեր զուգընկերոջ բռնարար վերաբերմունքի համար։
Սեռական բռնություն համարվում է այն գործողությունը, որի ժամանակ անձը ճնշման տակ կատարում է իրեն տհաճ գործողություններ, ինչպիսիք են, անցանկալի համբույրը կամ հպումը, անցանկալի, վտանգավոր կամ նվաստացնող սեռական հարաբերությունների մեջ բռնի ներգրավվելը, սեռական բռնությունը, բռնաբարությունը կամ բռնաբարության փորձը, պահպանակներ օգտագործելուց հրաժարվելը, հարբած կամ «ոչ» ասելուն անկարող մարդու հետ սեռական շփման մեջ մտնելը, սեռական բնույթի տեսաֆիլմ ստիպված դիտելը։ Կարևոր է գիտակցել, որ զոհի «ոչ» չասելու անկարողությունը չի ենթադրում նրա համաձայնությունը։ Երբեմն, ֆիզիկական դիմադրության ցուցաբերումը զոհին դնում է առավել մեծ վտանգի տակ։
Ֆիզիկական բռնությունը ներառում է հրմշտոց, մազերի պոկում, անձին բռնելը՝ փախուստը կանխելու համար, անձի վրա առարկա նետելը, ճանկռելը, բռունցքներով հարձակվելը, ապտակելը, խեղդելը կամ հարվածելը, դանակի, ատրճանակի կամ զենքի այլ տեսակի կիրառումը։
Անձին հետապնդելը ենթադրում է հալածելու կամ սպառնալու վարքագիծ, ներառյալ այն, որ անձը կարող է հետապնդել կամ վիրավորել Ձեզ, ինչի արդյունքում Դուք Ձեզ զգում եք վախեցած կամ անապահով։